ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵓⵙⵙⴰⵏ ⵏ 17 ⴷ18 ⵢⵓⵏⵢⵓ 2025 ⵢⴰⵜ ⵜⵙⴰⵡⵓⵔⵜ ⵏ ⵜⵡⵓⵔⵉ ⵅⴼ ⵉⵎⵔⵙⵉ: "ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴳ ⵢⵉⴳⵔ ⵏ ⵜⴷⵓⵙⵉ: ⴰⵙⴷⴷⵉ ⵏ ⵉⵣⴰⵍⵉⵡⵏ ⵏ ⵉⵙⵢⴰⴼⵓⵜⵏ ⵉⵙⵏⵉⵊⵊⵉⵜⵏ ⴷ ⵢⵉⴳⵔ ⴰⵎⵙⵏⵉⵊⵊⵉ ⵓⵙⵍⵉⴳ" ⵎⴰⵢⴰⵏⵏ ⵙ ⵜⴷⵔⴰⵡⵜ ⴰⴽⴷ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵜⵎⵙⵇⴰⵜ ⵏ ⵜⴳⵍⴷⵉⵜ ⵏ ⵏⵏⵓⵕⵡⵉⵊ ⴳ ⵕⵕⴱⴰⵟ ⴷ ⵡⴰⵎⵎⴰⵙ ⵏ ⵉⵙⵓⴳⴰⵎ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ U4, ⵙ ⵜⵉⵍⵉⵜ ⵏ ⵎⵏⵏⴰⵡ ⵉⵎⵙⵜⴳⴳⴰⵔ ⵓⵏⴱⵉⴹⵏ ⴷ ⵉⵎⵓⵣⴰⵢⵏ ⴷ ⵉⵎⴳⴳⴰⵢⵏ ⵉⵏⴰⵎⵓⵔⵏ ⴷ ⵉⴳⵔⴰⵖⵍⴰⵏⵏ, ⵙⴰⵡⵍ ⴳⵉⵙ ⵅⴼ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴳ ⵢⵉⴳⵔ ⵏ ⵜⴷⵓⵙⵉ, ⴷ ⵓⵙⵙⴷⵔⵓ ⵏ ⵓⵎⴹⴰⴽⴰⵕ ⵅⴼ ⵜⵎⵓⴽⵔⵉⵙⵉⵏ ⵣⴷⵉⵏⵉⵏ ⴷ ⵜⵏⵏⵓⴱⴹⴰ ⴷ ⵜⵙⵓⵙⵖⵜ ⴳ ⵓⵙⴰⵜⵉ ⵏ ⵜⵓⴳⴳⴰⵙ ⵏ ⵓⴳⵔⴰⵡ ⴳ ⵓⵙⵓⴷⵙ ⵏ ⵜⵙⵓⵙⵖⵜ ⴳ ⵉⴳⵔⴰⵏ ⵉⴷⵉⵏⴰⵎⵉⴽⵏ.
ⵙ ⵜⵎⵍⴷⴰ ⴰⴷ ⵉⵏⵏⴰ ⵓⵏⵙⵙⵉⵅⴼ ⵏ ⵓⴳⵔⴰⵡ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ,ⴳ ⵜⴳⵓⵔⵉ ⵏ ⵓⵏⵏⵓⵕⵥⵎ ⵎⴰⵙ ⴷ ⴰⴳⵓⴼⵙⵓ ⴳ ⵓⵏⴳⵔⴰⵡ ⴰⴷⵓⵙⴰⵏ ⴰⵔ ⵉⵙⴷⵉⴷⴷⵉ ⵜⴰⵏⴼⵔⵓⵜ ⵜⴰⴷⵓⵙⴰⵏⵜ ⴷ ⴰⵔ ⵉⵙⵙⵍⵎⴰⴹ ⵜⴰⵎⵢⵉⵎⴰⵏⵜ ⴳ ⵜⵎⵔⵙⴰⵍ, ⵉⵙⴷⴷⵉⴷ ⵎⴰⵙ ⵜⴰⵙⴰⵡⵔⵜ ⴰⴷ ⵜⴽⵛⵎ ⴳ ⵓⴱⵔⵉⴷ ⵏ ⵓⵙⵓⵊⴷ ⵏ ⵢⴰⵜ ⵜⴽⴽⴰⵕⴹⴰ ⵜⴰⵏⴰⵎⵓⵔⵜ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴳ ⵉⴳⵔ ⵏ ⵜⴷⵓⵙⵉ, ⵜⴱⴷⴷ ⵅⴼ ⵓⵙⴼⵙⵉ ⵏ ⵓⵙⴷⴷⵉ ⵏ ⵉⵣⴰⵍⵉⵡⵏ ⵏ ⵉⵙⵢⴰⴼⵓⵜⵏ ⵉⵙⵏⵉⵊⵊⵉⵜⵏ ⴷ ⵢⵉⴳⵔ ⴰⵎⵙⵏⵉⵊⵊⵉ ⵓⵙⵍⵉⴳ, ⵎⴽ ⵍⵍⵉ ⴷⴰⵖ ⵉⵙⴷⴷⵉⴷ ⵅⴼ ⵜⵙⵉⵍⴰⵡⵜ ⵏ ⵜⵎⵀⵍⵜ ⵉⵕⵡⴰⵏ ⴷ ⵍⵍⵉ ⵎⵓ ⵉⵜⵜⵢⴰⴼⴰ ⵓⵣⵣⴳⵉⵔ ⵏⵏⵙⵏⵜ ⴷ ⵜⴰⴷ ⵉⴱⴷⴷⵏ ⵅⴼ ⵉⵍⵓⴳⵏ ⵉⴳⵔⴰⵖⵍⴰⵏⵏ.
ⴷ ⵉⴳⴰ ⵓⵡⵜⵜⴰⵙ ⴰⴷⵙⵍⴰⵏ ⵏ ⵜⵙⴰⵡⵔⵜ ⴰⴷ ⴰⵙⴷⵓⵙ ⵏ ⵜⵣⵎⵎⴰⵔ ⵏ ⵉⵎⴳⴳⴰⵢⵏ ⴳ ⵓⵔⵎⴰⵙ ⵏ ⵜⵖⴰⵔⴰⵙⵉⵏ ⵍⵍⵉ ⵙ ⴰ ⵉⵜⵜⵉⵍⵉ ⵓⴳⵓⴼⵙⵓ ⴳ ⵢⵉⴳⵔ ⵏ ⵜⴷⵓⵙⵉ ⴷ ⵜⴱⵔⵉⴷⵉⵏ ⵏ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⵏⵏⵙ, ⵜⴳ ⵢⴰⵜ ⵜⵓⵚⴽⴰ ⵜⴰⵏⴼⵔⴰⵔⵜ ⵉ ⵢⴰⵜ ⵜⴰⵙⵓⵜ ⵜⴰⵎⴰⵢⵏⵓⵜ ⵏ ⵜⵡⵓⵔⵉ ⵜⴰⵏⵊⵎⵓⵜ ⵉⴱⴷⴷⵏ ⵅⴼ ⵜⵓⵙⵙⵏⴰ ⴷ ⵓⵙⴼⵙⵉ ⴰⵎⵙⵖⴰⵔⵓ, ⴷ ⵜⵡⴰⵜⵙ ⴰⵙⵎⵏⵉⴷ ⵏ ⵉⴼⵙⵙⴰⵢⵏ ⵉⵕⵡⴰⵏ ⴷ ⵉⵙⵖⵍⴰⴼ ⵍⵍⵉ ⵔⴰⴷ ⵢⵉⵍⵉ ⵎⴳⴰⵍ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ ⴷ ⵓⵙⴷⵓⵙ ⵏ ⵜⵣⴷⴳⵉ ⴷ ⵜⵎⵢⵉⵎⴰⵏⵜ ⴳ ⵢⵉⴳⵔ ⵏ ⵜⴷⵓⵙⵉ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
16/10/2025
ⵉⵙⵏⵓⴱⴳ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⵎⴰⵙⵙ ⴰⵃⵎⴰⴷ ⵍⵄⵎⵓⵎⵔⵉ, ⴰⵙⵙ ⵏ ⵓⴽⵡⴰⵙ 16 ⴽⵟⵓⴱⵕ 2025, ⵢⴰⵏ ⵓⴽⴰⴱⴰⵕ ⵏ ⵓⵙⵡⵉⵔ ⵢⴰⵜⵜⵓⵢⵏ ⵙⴳ ⴱⵓⵔⵓⵏⴷⵉ, ⵙ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵉⴳⵔ ⵏ ⵓⴳⵏⵙⵓ ⴷ ⵜⵉⴳⵎⵉ ⵜⴰⵏⴰⵎⵓⵏⵜ ⴳ ⵜⵎⴰⵡⴰⵙⵜ …
13/10/2025
ⵉⵜⵜⵓⵙⴳⵎⴹ ⴰⵙⵙ ⵏ ⵓⵙⵉⵏⴰⵙ 13 ⴽⵜⵓⴱⵕ 2025 ⴳ ⵕⵕⴱⴰⵟ, ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⴳⴷⵓⴷⴰⵏ ⵏ ⵜⵣⴷⴳⵉ ⴳ ⵜⴳⴷⵓⴷⴰⵏⵜ ⵏ ⵍⵄⵉⵕⴰⵇ, ⴳ ⵢ…
09/10/2025
ⵉⴷⵔⴰ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴳ ⵜⵡⵓⵔⵉⵡⵉⵏ ⵏ ⵜⵙⵎⵓⵏⵉ ⵜⴰⵙⴳⴳⵯⵙⴰⵏⵜ ⵜⴰⵎⴰⵜⴰⵢⵜ ⵜⴰⵎⵣⵡⴰⵔⵓⵜ ⵏ ⵓⵥⵟⵟⴰ “ⵎⵉⵏⴰ-ⴰⵔⵉⵏ” (MENA-AREN), ⵍⵍ…