ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴰⵔ ⵉⵏⵙⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴰⴽⴷ ⵜⵎⵙⵎⵓⵏⵜ ⵉ ⵜⵄⵄⵓⵕⵎⴰ, ⵢⴰⵜ ⵜⵉⵏⴰⵡⵜ ⵜⴰⵏⵎⵏⴰⴹⵜ ⵅⴼ ⵉⵎⵔⵙⵉ: " ⴰⴽⴰⵎ ⵏ ⵜⵎⵔⵉⵙⵜ ⵜⵓⵏⵎⵓⵔⵉⵜ ⴷ ⵓⵙⵓⴷⵙ ⵏ ⵜⵎⵓⵔⵉ ⵉⵕⵡⴰⵏ ⴷ ⵜⵙⵓⵙⵖⵜ" ⴰⵙⵙ ⵏ ⵓⵙⵉⴹⵢⴰⵙ 14 ⵢⵓⵏⵢⵓ 2025 ⴳ ⵓⵙⵏⵙⵓ ⵏ ⵜⵉⵔⵎⵉⵏⵓⵙ ⴳ ⵜⵎⴷⵉⵏⵜ ⵏ ⵇⵏⵉⵟⵕⴰ.
ⵜⵓⵛⴽⴰ ⴷ ⵜⵙⵎⵓⵏⵉ ⴰⴷ ⴳ ⵓⵎⵏⴰⴹ ⵏ ⵜⴷⵉⵏⴰⵎⵉⵜ ⵏⵏⴰ ⴳ ⵉⴷⴷⵔ ⵍⵎⵖⵔⵉⴱ ⴳ ⵉⵙⴳⴳⵯⴰⵙⵏ ⴰⴷ ⵉⵎⴳⴳⵓⵔⴰ ⴳ ⵓⵙⵡⵉⵔ ⵏ ⵜⴷⵔⴰⵡⵜ ⵜⴰⵏⵎⵓⵔⵉⵜ ⴷ ⵓⵙⴷⵓⵙ ⵏ ⵜⵙⵓⵙⵖⵜ ⴷ ⵜⵣⴷⴳⵉ ⴳ ⵓⵙⵡⵓⴷⴷⵓ ⵏ ⵓⵙⴽⴽⵉⵏ ⴰⵎⴰⵜⴰⵢ. ⵜⵡⴰⵜⵜⵙ ⵜⵙⵎⵓⵏⵉ ⴰⴷ ⴰⵙⵓⵊⴷ ⵏ ⵢⴰⵏ ⵓⵙⴰⵢⵔⴰⵔ ⵏ ⵓⵙⵡⵉⵏⴳⵎ ⴰⵎⴳⵔⵓ ⴷ ⵓⵎⴹⴰⴽⴰⵕ ⴰⵏⵊⵎⵓ ⵅⴼ ⵉⵎⴰⵙⵙⵏ ⵏ ⵓⵙⵎⵀⵍ ⵏ ⵜⵎⵔⵉⵙⵜ ⵜⴰⵏⵎⵓⵔⵉⵜ ⴳ ⵓⵙⴱⴷⴷⵉ ⵏ ⵓⴳⵓⴼⵙⵓ, ⴷ ⵓⵍⴰ ⴰⵙⵙⴰⴳⴳⵯ ⵏ ⵜⵉⵍⴰⵍⵜ ⵏ ⵜⴳⵔⴰⵡⵉⵏ ⵜⵉⵏⴰⴽⴰⵍⵉⵏ ⴷ ⵉⴳⵔⴰⵡⵏ ⵏ ⵓⵎⵛⴰⵡⴰⵕ ⴷ ⵜⵎⵔⵙⴰⵍ ⵏ ⵓⵙⵎⴷⵢⴰ ⴳ ⵜⵡⵓⵔⵉ ⴰⴷ.
ⵢⵓⵎⴰ ⵓⵖⴰⵡⴰⵙ ⴰⴷ ⵜⵉⴽⵛⵛⵓⵎⵉⵏ ⵎⵢⴰⵏⴰⵡⵏⵉⵏ ⵉⵙⴰⵡⴰⵍⵍⵏ ⵅⴼ ⵉⵙⴳⵓⵎⵏ ⵣⵓⵏ ⴷ ⵜⵉⵍⴰⵍⵜ ⵏ ⵓⴳⵔⴰⵡ ⴰⵏⴰⵎⵓⵔ ⴳ ⵓⵙⵔⵓⵙ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⴳⵓⴼⵙⵓ ⴷ ⵜⵉⵍⴰⵍⵜ ⵏ ⵜⵄⵄⵓⵔⵎⴰ ⴳ ⵜⴷⵉⵏⴰⵎⵉⵜ ⴰⵏⵏ ⴷ ⵓⵙⵎⵀⵍ ⴰⵏⵊⵎⵓ ⵏ ⵜⵓⵍⴽⵉⵎⵉⵏ, ⴷ ⵓⵍⴰ ⵜⵉⵔⵎⵉⵜⵉⵏ ⵜⵉⴷⵖⵔⴰⵏⵉⵏ ⴳ ⵓⵙⴷⵓⵙ ⵏ ⵜⵉⵏⵏⵓⴱⴹⴰ ⵜⴰⵎⴳⵔⵓⵜ ⴳ ⵓⵙⵡⵉⵔ ⴰⵎⴳⵔⵓ.
ⵜⴳ ⵜⵉⵏⴰⵡⵜ ⴰⴷ ⴰⵙⵓⵔⵙ ⴳ ⵢⴰⵏ ⵓⵙⴷⴷⵉ ⵏ ⵜⵙⵎⵓⵏⴰⵢ ⵉⵜⵜⵙⵏⵎⴰⵍⴰ ⵓⴳⵔⴰⵡ ⴳ ⵓⵎⵏⴰⴹ ⵏ ⵓⵙⵏⵜⵉ ⵏ ⵓⵎⴹⴰⴽⴰⵕ ⴰⵏⴰⵎⵓⵔ ⵅⴼ ⵜⵎⵔⵉⵙⵜ ⵜⴰⵏⵎⵓⵔⵉⵜ ⴷ ⵜⵉⵍⴰⵍⵜ ⵏⵏⵙ ⴳ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⵙⵓⵊⴷ ⵏ ⵜⵔⵙⴰⵍ ⵉ ⵜⴳⵎⵉ ⵜⴰⵙⵓⵍⴰⵏⵜ ⴷ ⵜⴰⵎⵣⴷⴰⴳⵜ
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
03/04/2026
ⴳ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵜⴰⵏⴰⵎⵓⵔⵜ ⵍⵍⵉ ⵎⵓ ⵉⵕⵥⵎ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⵉⴷⴷ ⵏⵏⵙ, ⵜⴰⴷ ⵉⵡⵜⵜⵙⵏ ⴰⴷ ⵜⵙⴷⵓⵙ ⵜⴰⴷⵍⵙⴰ ⵏ ⵜⵣⴷⴳⵉ ⴷ ⵡⴰⵜⵉⴳⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ, ⵜⴳⴳⵓⵣ ⵜⴰⵔⵔⴰⴳⵜ ⵏ ⵓⵖⴰⵡⴰⵙ ⵏ…
13/03/2026
ⵉⵙⵏⵎⴰⵍⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴰⵙⵙ ⵏ ⵓⵙⵉⵎⵡⴰⵙ 13 ⵎⴰⵕⵚ 2026, ⵙ ⵜⵎⴷⵔⴰⵡⵜ ⵏ ⵜⵎⵙⵎⵓⵏⵜ ⵏ ⵉⵎⵣⵡⵓⵔⴰ ⵏ ⵉⵄⵔⵔⵉⵎⵏ ⴷ ⵜⵎⵙⵎⵓⵏⵜ ⵏ ⵡⴰⵎⵓⵏ ⵓⴹⵓⴼ ⵏ ⵉⵄⵔⵔⵉⵎⵏ ⴳ ⵜⵉⴼⵍⵜ, ⵢⴰⵏ ⵓⵎⵙⴰⵙⴰ ⵏ ⵓⵎⵢⴰⵡⴰⴹ ⵏ…
09/03/2026
ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵎⵟⵟⵓⴹⵜ, ⵉⵙⵎⴰⵢⵏⵓ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴰⵙⵎⵖⵔ ⵏⵏⵙ ⵉ ⵡⴰⴷⴷⵓⵔ ⴰⵎⵇⵔⴰⵏ ⵏ ⵜⵎⵖⴰⵔⵉⵏ ⴳ ⵓⵙⴱⵓⵖⵍⵓ ⵏ ⵜⴳⵎⵉ ⵏ ⵡⴰⵎⵓⵏ ⴷ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵓⵙⵎⵙⴰⵙⴰ. ⵜⴳⴰ ⵜⴼⵓⴳⵍⴰ ⵢⴰⴷ ⴰⵣⵎⵣⵣⵓ…