ⵉⴷⵔⴰ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴳ ⵜⵙⵎⵓⵏⵉ ⵜⴰⵎⵣⵡⴰⵔⵓⵜ ⵏ ⵓⵙⵉⵔⴰ ⴰⵎⵣⵣⴳⴰⵔ ⴰⵎⴰⵢⵏⵓ ⵏ ⵜⵎⵙⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⴷⴰ ⵉⵍⵍⴰⵏ ⴰⵙⵙ ⵏ 15 ⵎⴰⵢⵢⵓ 2025 ⵣⵉ ⵜⵓⴳⴳⵓⴳⵜ. ⴳ ⵜⴽⵛⵛⵓⵎⵜ ⵏⵏⵙ, ⵉⵎⵍⴰ ⵎⴰⵙⵙ ⴱⵏⵄⵍⵉⵍⵓ ⴰⵙⵡⵉⵔ ⵢⴰⵜⵜⵓⵢⵏ ⵏⵏⴰ ⵉⵍⴽⵎ ⵓⴳⵔⴰⵡ ⴳ ⵓⵎⴰⵍⵓ ⵏ ⵓⵙⵍⴳⵏ 46.19 ⵉⵥⵍⵉⵏ ⵙ ⵡⴰⵍⴰⵙ ⵏ ⵓⵙⵏⵎⴰⵍⴰ ⵏⵏⵙ, ⴷⴰ ⴰⵙ ⵉⴼⴽⴰⵏ ⵜⵉⵙⵎⵉⴳⴰⵍ ⵜⵉⵎⴰⵢⵏⵓⵜⵉⵏ ⵢⵓⵎⴰⵏ ⴰⴹⴼⵓⵕ ⴷ ⵓⵙⵓⵜⴳ ⵙ ⵓⵙⴰⴳⴳⵯ ⵎⴽⵍⵍⵉ ⵉⵙⴷⴷⵉ ⵅⴼ ⵜⵉⵍⴰⵍⵜ ⵏ ⵓⴳⵔⴰⵡ ⴳ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⵙⴷⵓⵙ ⵏ ⵜⵙⵓⵙⵖⵜ ⴷ ⵓⵙⵔⵓⵙ ⵏ ⵉⵎⵏⵣⴰⵢⵏ ⵏ ⵜⵉⵏⵏⵓⴱⴹⴰ ⴷ ⵜⵣⴷⴳⵉ, ⴷ ⵓⵍⵜⴰⵖ ⵏⵏⵙ ⴳ ⵓⴱⵔⵉⴷ ⵏ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴰⵙⵉⵏⴰⵏ ⴷ ⵓⴳⵜⵉⵔⴰⵏ ⵏ ⵓⵙⴷⵓⵙ ⵏ ⵜⵉⵥⴹⴰⵕⵉⵏ ⴷ ⵓⵎⵔⴰⵔⴰ ⵏ ⵜⵎⵓⵣⴰⵢⵉⵏ ⵎⴽⴷⴰ ⵉⵙⵙⴽⵜⵉ ⵙ ⵜⵎⵔⵉⵙⵜ ⵏ ⵓⴳⵔⴰⵡ ⴳ ⵜⴷⵔⴰⵡⵜ ⵉⵕⵡⴰⵏ ⴳ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵥⵟⵟⴰ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⵓⵙⵎⵔⵙ ⵏ ⵜⵉⵖⵉⵙⵜ ⵜⵉⵎⵍⵥⵉⵢⵜ ⴷ ⵡⴰⵏⵥⵜⵏ ⵉⵎⴰⵙⵙⴰⵏⵏ ⴳ ⵓⵙⴱⴷⴷⵉ ⵏ ⵓⴳⵓⴼⵙⵓ ⵉⵙⵙⵎⵉⵔ ⵎⴰⵙⵙ ⴱⵏⵄⵍⵉⵍⵓ ⵎⴰⵙ ⵉⵡⴰⵜⵙ ⵓⴳⵔⴰⵡ ⴰⵙⵏⵎⴰⵍⴰ ⵏ ⵙⵏⴰⵜ ⵜⵙⵓⵜⴰⵍ ⵏ ⵓⵙⴰⵏⵓⵏ ⵉ ⵉⴳⵎⴰⵎⵏ ⵏ ⵓⵥⵟⵟⴰ ⵅⴼ ⵉⵎⵔⵙⴰⵏ ⵏ "ⴰⵙⵓⵜⴳ ⵏ ⵜⵓⵙⵓⵔⵜ ⵏ ⵜⵙⵜⵔⴰⵜⵉⵊⵉⵢⵉⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ" ⴷ " ⴰⵙⵓⵊⴷ ⵏ ⵓⵖⴰⵡⴰⵙ ⵏ ⵉⵎⵉⵣⵉⵜⵏ ⵏ ⵓⴳⵓⴼⵙⵓ". ⴳ ⵜⴳⵉⵔⴰ ⵏ ⵜⵙⵎⵓⵏⵉ ⴰⴷ ⵉⵍⵍⴰ ⵓⵙⵖⵥⵏ ⵏ ⵎⵏⵏⴰⵡⵜ ⵜⵖⵜⴰⵙⵉⵏ, ⴳ ⵉⴳⴰ ⵓⵙⵏⵎⴰⵍⴰ ⵏ ⵓⴳⵔⴰⵡ ⴰⵎⴰⵜⴰⵢ ⵏ ⵜⵎⵙⵎⵓⵏⵜ ⴷ ⵢⵓⵛⴽⴰⵏ ⴷ ⵓⴳⵔⴰⵡ ⵏ ⵉⵡⴰⵏⴽⵏ ⵉⴳⵎⴰⵎⵏ ⴳ ⵜⵎⵢⴰⵇⵇⴰⵏⵜ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ, ⵍⵍⵉ ⵔⴰⴷ ⵉⵜⵜⵓⵙⵏⵎⴰⵍⴰ ⴳ ⵇⴰⵟⴰⵕ ⴳ ⴷⵓⵊⴰⵏⴱⵉⵔ ⵏ ⵓⵙⴳⴳⵯⴰⵙ ⴰⴷ.