ⵉⵙⵏⵎⴰⵍⴰ ⵓⴳⵔⴰⵡ ⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ ⵓⵙⵉⵎⵡⴰⵙ 15 ⵢⵓⵍⵢⵓⵣ 2025, ⴰⵙⵎⵓⵏⵉ ⵡⵉⵙⵙ ⵙⵉⵏ ⴷ ⵙⵉⵏ (22) ⵏ ⵓⵙⵇⵇⵉⵎ ⵏⵏⵙ, ⴳ ⵢⴰⵏ ⵓⵙⴰⵜⵉ ⵏ ⵜⵣⵎⵎⴰⵔ ⵉⴳⴳⵓⵜⵏ ⵎⵔⴰ ⴰⴷ ⵜⵜⵓⵙⴷⵓⵙⵏⵜ ⵜⵏⴰⴷⴰⵜⵉⵏⴷⵉⵜⵉⵏ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ. ⵖⵉⴽⵍⵍⵉ ⵜⴳⴰ ⵜⵙⵎⵓⵏⵉ ⴰⴷ ⵢⴰⵏ ⵓⴷⵡⴰⵍ ⴰⵎⵎⴰⵙ ⵏ ⵓⴱⵔⵉⴷ ⵏ ⵓⵙⵎⵓⵙⵙⵓ ⴰⵎⵔⵙⴰⵍ ⴰⵙⵓⵍⴰⵏ, ⵙⵎⵔⵙⵏ ⵉⴳⵎⴰⵎⵏ ⵏ ⵓⵙⵇⵇⵉⵎ, ⴷ ⵙⵙⵖⵥⵏⵏ, ⵅⴼ ⵎⵏⵏⴰⵡ ⵏ ⵉⵙⵏⴼⴰⵔⵏ ⵉⴷⴷⵓⵔⵏ, ⴳ ⵓⵎⵎⴰⵙ ⵏⵏⵙⵏ :

- ⴰⵙⵏⵜⵉ ⵏ ⵜⵏⵜⴰⵎⵜ ⵜⵓⵜⵓⵢⵜ ⵜⵙⵜⵔⴰⵜⵉⵊⵉⵜ ⵏ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵏ ⵓⴳⵔⴰⵡ ⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ (2025-2030) ;

- ⴰⵙⵏⵜⵉ ⵏ ⵓⵥⵕⴼ ⵏ ⵓⴳⵔⴰⵡ ⵏ ⴽⵕⴰⴹ ⵉⵙⴳⴳⵯⴰⵙⵏ ⴰⴷ ⵢⵓⵛⴽⴰⵏ 2026-2028 ;

- ⴰⵙⵎⴰⵢⵏⵓ ⵏ ⵜⵎⴰⴳⵉⵜ ⵜⴰⵏⵥⵕⵜ ⵏ ⵓⴳⵔⴰⵡ.

ⵉⴳⴰ ⵓⴷⵡⴰⵍ ⴰⴷ ⴰⵡⴷ ⴰⵣⵎⵣⵣⵓ ⵏ ⵓⵙⵎⵏⵉⴷ ⵏ ⵉⵏⴰⵥⴰⵕⵏ ⵏ ⵓⵙⴰⵜⵉ ⵏ ⵓⵙⵏⵓⴱⴳ ⵏ ⵉⵙⵏⵏⵉⵔⴰⵣ ⴷ ⵉⵙⵙⵓⴼⵔⵉⵢⵏ “ⴰⵙⵙⵓⴼⵔⵉ ⵏ ⵓⵙⴳⵓⴼⵙⵓ”, ⵖⵉⴽⵍⵍⵉ ⵉⴳⴰ ⴰⵣⵎⵣⵣⵓ ⵏ ⵓⵙⵎⵏⵉⴷ ⵏ ⵜⵢⴰⴼⵓⵜⵉⵏ ⵏ ⵉⵙⴷⴰⵡⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴷⴰⵜ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ.

ⴳ ⵓⵙⴰⵜⵉ ⴷⵖ, ⵜⵜⵓⵙⵖⵣⵏ ⵉⵙⵏⵜⵉⵢⵏ ⵏ ⵎⵏⵏⴰⵡ ⵏ ⵜⵎⵢⴰⵇⵇⴰⵏⵉⵏ ⵍⵍⵉ ⵔⴰⴷ ⵙⵎⵓⵏⵏ ⴰⴳⵔⴰⵡ ⴷ ⵎⵏⵏⴰⵡ ⵏ ⵉⵎⴷⵔⴰⵡⵏ ⵉⵏⴰⵎⵓⵔⴰⵏⵏ ⴷ ⵉⴳⵔⴰⵖⵍⴰⵏⵏ, ⵎⵔⴰ ⴰⴷ ⵢⴰⵊⵊ ⴰⴳⵔⴰⵡ ⴰⴷ ⵉⵕⵥⵎⵏ ⵉⵕⵡⵓ ⴳ ⵓⵙⵡⵓⵔⵉ ⵏⵏⵙ ⵜⵉⴷⵓⵙⵜⵓⵔⵉⵏ, ⵙ ⵎⴰⴷ ⵉⵙⴰⴷⵎⵔ ⵉ ⵉⵎⵏⴰⴷⵏ ⵏ ⵉⵏⴰⵎⵓⵏⵏ, ⴷ ⵉⵙⴷⵓⵙⵏ ⵜⴰⵎⵢⴰⵎⴰⵏⵜ ⴷ ⵢⴰⵡⵙ ⵖ ⵓⵙⴷⵓⵙ ⵏ ⵜⴷⵉⵏⴰⵎⵉⵜ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ.