ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⵉⴷⵔⴰ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ 13 ⴷ 14 ⵏⵓⵡⴰⵏⴱⵉⵔ 2025 ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ ⴽⵕⴰⴹⵜ ⵏ ⵜⵙⵎⵓⵏⵉ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵏ ⵜⴰⵎⴰⴷⴷⴰⵙⵜ ⵏ ⵓⵎⵢⴰⵡⴰⵙ ⴷ ⵜⴳⵎⵉ ⵜⴰⴷⵎⵙⴰⵏⵜ ⵅⴼ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ. ⴰⴳⵔⴰⵡ ⴰⴷ ⵍⵍⵉ ⵖ ⵎⵓⵏⵏ ⵉⵎⴷⵔⴰⵡⵏ ⵉⵎⵙⵜⴳⴳⴰⵔⵏ ⵏ ⵉⵡⴰⵏⴽⵏ ⵉⴳⵎⴰⵎⵏ ⴷ ⴽⵔⴰ ⵏ ⵉⵎⴷⵔⴰⵡⵏ, ⵉⵙⴰⵡⵍ ⵅⴼ ⵎⵏⵏⴰⵡ ⵏ ⵜⵖⴰⵡⵙⵉⵡⵉⵏ ⴷ ⵉⴳⵔⴰⵏ ⵉⵣⴷⵉⵏ ⴷ ⵜⵣⴷⴳⵉ ⵜⴰⴳⴷⵓⴷⴰⵏⵜ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴳ ⵓⵙⵡⵉⵔ ⴰⴳⵔⴰⵖⵍⴰⵏ.
ⵉⵙⵎⴷⵢⴰ ⵓⴳⵔⴰⵡ ⴳ ⵜⵙⵎⵓⵏⵉ ⴰⴷ ⴰⵏⴼⵍⵓⵙ ⴰⵎⴰⵜⴰⵢ ⵏⵏⵙ, ⵎⴰⵙⵙ ⵃⵎⴰⴷ ⵍⵄⵎⵓⵎⵔⵉ, ⵖⵉⴽⵍⵍⵉ ⴷⵉⵙ ⴷⵔⴰⵏ ⵉⵙⵎⴷⵢⴰⵡⵏ ⵏ ⴽⵔⴰ ⵏ ⵜⵎⴰⵡⵙⴰⵙⵉⵏ. ⴰⵙⵎⵓⵏⵉ ⴰⴷ ⵉⴳⴰ ⴰⵣⵎⵣⵣⵓ ⵏ ⵓⵙⴼⵙⵔ ⵏ ⵜⵡⵓⵔⵉ ⵍⵍⵉ ⵢⵜⵜⵓⵙⴽⴰⵔⵏ ⴳ ⵎⵏⵏⴰⵡ ⵏ ⵜⵎⵉⵣⴰⵔ, ⴷ ⵓⵙⴰⵡⵍ ⵅⴼ ⵜⵢⴰⴼⵓⵜⵉⵏ, ⴷ ⵓⵙⵎⵏⵉⴷ ⵏ ⵉⵙⵎⴰⵢⵏⵓⵜⵏ ⵉⵎⴰⴹⵍⴰⵏⵏ ⵍⵍⵉ ⵜⵙⵙⵓⴼⵖ ⵜⵎⴰⴷⴷⴰⵙⵜ ⴳ ⵓⵣⴷⴰⵢ ⴷ ⵜⵣⴷⴳⵉ ⵜⴰⴳⴷⵓⴷⴰⵏⵜ. ⵖⵉⴽⵍⵍⵉ ⵉⵣⴷⵉ ⵓⵎⵔⴰⵔⴰ ⵏ ⵡⴰⵡⴰⵍ ⴰⵡⴷ ⵅⴼ ⴰⴹⴼⴰⵕ ⵏ ⵓⵣⵖⵣⵍ ⵏ ⵉⵙⵖⵍⴰⴼ ⵉⵎⴰⴹⵍⴰⵏⵏ, ⴷ ⵓⵙⵜⴰⵍ ⵏ ⵜⵙⵜⵔⴰⵜⵉⵊⵢⵢⵉⵏ ⵜⵉⵏⴰⵎⵓⵔⵉⵏ, ⴷ ⵓⴹⴼⵕ ⵏ ⵜⵣⴷⴳⵉ ⴳ ⵓⵙⵡⵉⵔ ⴰⵎⵓⵔⴰⵏ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳⵔ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ, ⴷ ⵉⴳⵔ ⴰⵎⵥⵍⴰⵢ ⴷ ⵓⵙⵎⵓⵏ ⴰⵖⵔⵎⴰⵏ.
ⵜⴳⴰ ⵜⴰⴷⵔⴰⵡⵜ ⵏ ⵓⴳⵔⴰⵡ ⵢⴰⵏ ⵓⵣⵎⵣⵣⵓ ⵏ ⵓⵙⵎⵏⵉⴷ ⵏ ⵜⵏⴰⴹⵜ ⵉⵥⵍⵉⵏ ⵙ ⵍⵎⵖⵔⵉⴱ ⴰⴼⴰⴷ ⴰⴷ ⵜⵎⵍ ⵜⵉⵣⵎⵎⴰⵔ ⵍⵍⵉ ⵢⵜⵜⵓⵙⴽⴰⵔⵏ ⴰⴼⴰⴷ ⴰⴷ ⵜⵜⵓⵙⴷⵓⵙⵏ ⵜⵉⵔⵙⴰⵍ ⵏ ⵜⵣⴷⴳⵉ ⵜⴰⴳⴷⵓⴷⴰⵏⵜ, ⵙⵍⴰⵡⴰⵏ ⴰⴽⴽⵯ ⵙ ⵉⵎⴰⴽⵏ ⵏ ⵡⴰⵔⴰⵢ, ⴷ ⵓⵙⴱⵓⵖⵍⵓ ⵏ ⵉⵎⴰⵙⵙⵏ ⵏ ⵓⴹⴼⴼⵓⵕ ⴷ ⵓⵙⵜⴰⵍ, ⴷ ⵓⵙⵔⵙ ⵏ ⵜⵖⴰⵔⴰⵙⵉⵏ ⵜⵉⵏⴰⵎⵓⵔⵉⵏ ⵏ ⵜⴽⴰⵕⴹⵓⴳⵔⴰⴼⵉⵏ ⵏ ⵉⵎⵉⵣⴰⵏ ⵏ ⵓⵙⴳⵓⴼⵙⵓ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
17/01/2026
ⴳ ⵓⵎⵙⴰⵙⴰ ⴰⴽⴷ ⵉⵡⵉⵣ ⵏⵏⵙ ⵅⴼ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴳⵔ ⵉⵄⵔⵔⵉⵎⵏ, ⴷ ⵓⵙⵎⵔⵃⴱ ⵏⵏⵙ ⵙ ⵜⵙⵏⵜⴰⵢⵉⵏ ⵉⵣⴷⵉⵏ ⴷ ⵓⵙⴷⵓⵙ ⵏ ⵜⵏⴰⵎⵓⵔⵜ, ⵉⴷⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵢⴰⵜ ⵜⵉⵔⵎⵉⵜ ⵜⴰⵎⴰⵢⵏⵓⵜ ⵏ ⵓⵙⵎ…
25/12/2025
ⵉⵜⵜⵓⵙⴳⵎⴹ ⴰⵙⵙ ⵏ ⵓⴽⵡⴰⵙ 25 ⴷⵓⵊⴰⵏⴱⵉⵔ 2025, ⴳ ⵕⵕⴱⴰⵟ, ⵅⴼ ⵢⴰⵜ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴳⵔ ⵓⵙⵇⵇⵉⵎ ⵏ ⵓⵎⵣⵉⵣⵡⵔ ⴷ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵃⵎⴰ ⴰⴷ ⵉⵜⵜⵓⵙⴷⵓⵙ ⵓⵎⵢⴰⵡⴰⵙ ⴷ ⵜⵎⴷⵔⴰⵡⵜ ⴳⵔ ⵙⵏⴰⵜ ⵜⵎⵔⵙⴰⵍ…
18/12/2025
ⵜⵙⵏⵓⴱⴳ ⴷⴷⴰⵡⵃⴰ ⵜⴰⵙⵎⵓⵏⵉ ⵏ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⴷ ⵜⵎⵙⵎⵓⵏⵜ ⵜⴰⵎⴰⵜⴰⵢⵜ ⵏ ⵓⵥⵟⵟⴰ ⵏ ⵉⴳⵔⴰⵡⵏ ⵏ ⵡⴰⵔⴰⵢ ⵙⴳ ⵓⵙⴳⵓⴼⵙⵓ (NCPA), ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵎⵓⵃⵎⵎⴰⴷ ⴱⵏⵄⵍⵉⵍⵓ, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓ…