ⵉⴷⵔⴰ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⴰⵙⵙ ⵏ 2 ⴷⵓⵊⴰⵏⴱⵉⵔ 2025, ⵖ ⵓⴳⵔⴰⵡ ⴰⴳⵔⴰⵖⵍⴰⵏ ⵅⴼ ⵓⵙⵖⴰⵍ ⵏ ⵓⵙⴳⵓⴼⵙⵓ, ⵉⵜⵜⵓⵙⵏⵎⴰⵍⴰⵏ ⴳ ⵓⵙⵖⵉⵎ ⵏ ⵜⵎⵜⵜⴰ ⵉⵎⵓⵏⵏ ⴳ ⵏⵢⵓⵢⵓⵕⴽ, ⴰⴳⵔⴰⵡ ⴰⴷ ⵉⵜⵜⵓⵙⵏⵎⴰⵍⴰⵏ ⵙ ⵓⵎⵢⴰⵡⴰⵙ ⴳⵔ ⵓⵖⴰⵡⴰⵙ ⵏ ⵜⵎⵜⵜⴰ ⵉⵎⵓⵏⵏ ⵏ ⵜⴳⵎⵉ (PNUD), ⴷ ⵓⵙⵉⵔⴰ ⵏ ⵜⵎⵜⵜⴰ ⵉⵎⵓⵏⵏ ⵏ ⵓⵙⴱⴷⴷⵉ ⵏ ⵉⵙⴷⵓⵀⴷⵓⵜⵏ ⴷ ⵓⴱⴽⴰⴹ (UNODC) ⴷ ⵜⴽⴰⴷⵉⵎⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ (IACA). ⵉⵎⵓⵏ ⴳ ⵓⵎⴰⴳⵔ ⴰⴷ ⵎⵏⵏⴰⵡ ⵏ ⵉⵎⴰⵙⵙⴰⵏⵏ ⴷ ⵉⵎⵓⵥⴰⵢⵏ ⴷ ⵜⵎⵔⵙⴰⵍ ⵜⵉⴳⵔⴰⵖⵍⴰⵏⵉⵏ ⵏⵏⴰ ⵉⵙⵡⵓⵔⵉⵏ ⴳ ⵢⵉⴳⵔ ⵏ ⵜⵣⴷⴳⵉ ⴷ ⵓⵙⴱⴷⴷⵉ ⵏ ⵓⵙⴳⵓⴼⵙⵓ.

ⴳ ⵜⴳⵓⵔⵉ ⵏⵏⵙ ⴳ ⵜⵖⵉⵎⵜ ⵜⴰⵎⴰⵜⴰⵢⵜ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⵎⴰⵙⴷ ⵉⵙⵏⵎⴰⵍⵍⴰⵜⵏ ⴳⴰⵏ ⴷ ⵔⴰⴷ ⴳⵉⵏ ⵢⴰⵏ ⵓⴳⵣⵣⵓⵎ ⵏ ⵜⵣⵎⵎⴰⵔ ⵏ ⵓⵙⴱⴷⴷⵉ ⵏ ⵓⵙⴳⵓⴼⵙⵓ, ⴰⵛⴽⵓ ⴰⵙⵖⵍ ⵏ ⵜⵎⵓⴽⵔⵉⵙⵜ ⵉⴳⴰ ⵜⴰⴱⵔⵉⴷⵜ ⵜⴰⵅⴰⵜⴰⵔⵜ ⵏ ⵓⵙⴼⵔⵓ ⴷ ⵓⵙⴼⵙⵉ ⵏ ⵓⵎⵏⴰⴹ ⵏⵏⵙ. ⵎⴰⵛⴰ, ⵜⵙⴱⴰⵢⵏ ⵜⵉⵖⵔⵉ ⵜⴰⵏⴼⵔⴰⵏⵜ ⵏ ⵜⵉⵔⵎⵜ ⵏ ⵓⵙⵖⵍ ⵜⵙⵙⵓⴼⵖ ⵎⴰⵙ ⴷ ⵉⵏⴰⵥⴰⵕⵏ ⵉⵅⴰⵜⴰⵔⵏ ⵓⵔ ⵉⴳⵉⵏ ⴳ ⵓⵙⵢⴰⴼⵓ ⵏ ⵉⵙⵏⵎⴰⵍⵍⴰⵜⵏ, ⵎⴰⵛⴰ ⴳ ⵓⵙⴱⴷ ⵏ ⵜⵏⴰⴼⵓⵜⵉⵏ ⵏⵏⵙⵏ.

ⵉⵙⴷⴷⵉⴷ ⵓⵏⵙⵙⵉⵅⴼ ⵓⵍⴰ ⵎⴰⵙ ⴷ ⵢⵓⵡⵉ ⴷ ⵓⵣⵎⵣ ⴰⴷ ⵏⵙⵏⴼⵍ ⵉⵙⵏⵎⴰⵍⵍⴰⵜⵏ ⵙⴳ ⵜⴰⵏⴱⴰⴹⵜ ⵏ ⵜⵡⵏⴳⵉⵎⵜ ⵙ ⵜⴰⵏⴱⴰⴹⵜ ⵏ ⵜⵎⵓⵛⴰ. ⵖⵉⴽⵍⵍⵉ ⵉⵏⵏⴰ ⵎⴰⵙ ⴷ ⵎⴰⵢⴰⴷ ⵉⴳⴰ ⴰⴱⵔⵉⴷ ⵏ ⵓⵙⵏⴼⵍ ⵙⴳ ⵓⵙⴰⵜⵉ ⵏ ⵜⵎⵔⴰⵔⵓⵜ ⴰⵔ ⵓⵙⴰⵜⵉ ⵏ ⵜⵙⵏⵜⴰⵢⵜ. ⵉⵔⵏⵓ ⵢⵏⵏⴰ ⵎⴰⵙ ⴰⵙⵖⵍ ⵏ ⵓⵙⴳⵓⴼⵙⵓ ⵅⴼ ⵓⴱⴷⴷⵉ ⴼ ⵜⴰⵏⵏⴰⵢⵜ ⵏ ⵉⵏⴰⵎⵓⵔⵏ, ⵡⴰⵅⵅⴰ ⵉⴼⵓⵍⴽⵉ, ⵎⴰⵛ ⵓⵔ ⴷⴰ ⵢⴰⴽⴽⴰ ⵖⴰⵙ ⴰⵣⴳⵏ ⵏ ⵜⵡⵍⴰⴼⵜ, ⵎⴰⵛⴰ ⵎⴰⴷ ⵉⵅⵚⵚⴰⵏ ⴰⵙⵙⴰ ⵉⴳⴰ ⴰⵙⵔⵙ ⵅⴼ ⵉⵏⵎⵎⴰⵍⵏ ⴷ ⵜⵎⵓⵛⴰ ⵏ ⵜⵉⵍⴰⵡⵜ ⵍⵍⵉ ⵢⵙⵖⵍⵏ ⴰⵙⴳⵓⴼⵙⵓ ⴷ ⵓⵡⵏⴰⴹ ⵏⵏⵙ ⴷ ⵓⴱⵔⵉⴷ ⵏⵏⵙ.

ⵉⵙⵡⵉⵏⴳⵎ ⴷⴰⵖ ⵎⴰⵙⴷ ⵜⴰⵎⵓⴽⵔⵉⵙⵜ ⵎⵇⵇⵓⵔⵏ ⵏ ⴽⵉⴳⴰⵏ ⵏ ⵉⵙⵏⵎⴰⵍⵍⴰⵜⵏ ⵓⵔ ⵜⵍⵍⴰ ⴳ ⵜⵉⵔⴰⵜ ⵏⵏⵙⵏ, ⵎⴰⵛⴰ ⴳ ⵜⵓⵚⴽⵉⵡⵜ ⵏⵏⵙⵏ ; ⴷⴰ ⵙⵙⵓⵜⵓⵔⵏ ⴰⴷ ⵙⵎⵓⵏⵏ ⴰⴽⴽⵯ ⴳ ⵢⴰⵜ ⵜⵡⵍⴰⴼⵜ, ⵎⴰ ⵢⴰⴷ ⵉⵙⵙⴽⵛⴰⵎⵏ ⵉⵎⵏⴰⵍⵏ ⵅⴼ ⵜⵉⴷⵜ ⵏ ⵜⵢⴰⴼⵓⵜⵉⵏ ⵏⵏⵙⵏ. ⴱⵍⴰ ⵏ ⵓⴱⴹⵓ ⴳⵔ ⵓⵙⵖⴰⵍ ⵏ ⵉⵎⴰⵙⵙⵏ ⴷ ⵓⵙⵖⴰⵍ ⵏ ⵓⴷⵔⵉⵣ, ⴰⵛⴽⵓ ⴰⵙⵖⴰⵍ ⵏ ⵉⵎⴰⵙⵙⵏ ⵓⵔ ⵉⴳⵉ ⴱⴷⴷⴰ ⴰⵖⴰⵔⴰⵙ ⵏ ⵓⵣⵣⴰⴳⵣ ⵏ ⵓⵙⴳⵓⴼⵙⵓ. ⵎⴰⵢⴰⴷ ⵉⵙⴷⵓⵙ, ⵖⵎⴽⵍⵍⵉ ⵉⵏⵏⴰ ⵓⵏⵙⵙⵉⵅⴼ ⵏ ⵓⴳⵔⴰⵡ, ⵜⵉⵔⴰⵜ ⵏ ⵜⴱⵔⵉⴷⵉⵏ ⵏ ⵓⵙⵜⴰⵍ ⵏ ⵜⵣⴷⴳⵉ ⵙ ⵓⴳⴰⵢⵢⵓ ⵏⵏⵙ, ⵃⵎⴰ ⴰⴷ ⵓⵔ ⴳⵉⵏⵜ ⵜⵢⴰⴼⵓⵜⵉⵏ ⵖⴰⵙ ⵓⵟⵟⵓⵏ ⴱⵍⴰ ⴰⵏⴰⵎⴽ.

ⵙⴳ ⵓⵙⵙⴼⵙⵉ ⴰⴷ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵅⴼ ⵡⴰⴷⴷⵓⵔ ⵏ ⵓⵙⵎⴽⵍ ⵏ ⵉⵙⵏⵎⴰⵍⵍⴰⵜⵏ ⵓⵔ ⴷ ⴰⵎⵢⴰⴼⵓ ⴰⵎⴳⴳⴰⵔⵓ, ⵎⴰⵛⴰ ⵙ ⵎⴰⴷ ⵉⴳⴰⵏ ⵉⵙⴰⴷⴼⵏ ⵏ ⵓⵎⵔⴰⵔⴰ ⵏ ⵡⴰⵡⴰⵍ ⴰⴳⴷⵓⴷⴰⵏ. ⵉⵙⴷⴷⵉⴷ ⴰⴷ ⵜⵜⵓⵙⵏⵎⵍⴰⵏⵜ ⵜⵎⵢⴰⴷⴰⵙⵉⵏ ⵜⵉⵏⴰⵎⵓⵔⵉⵏ ⵎⵏⵏⴰⵡⵜ ⵜⵉⵙⴳⴳⵉⵡⵉⵏ ⵅⴼ ⴽⴽⵓⵥ ⵏ ⵉⵙⴰⴷⴼⵏ ⵉⴷⵙⵍⴰⵏⵉⵏⵏ :

1. ⴰⵙⴷⵡⵍ ⴰⵎⴰⵙⵙⴰⵏ : ⵙ ⵜⵏⴰⴼⵓⵜⵉⵏ ⵏ ⵉⴳⵔ ⴰⴼⴰⴷ ⵜⵓⵙⵙⵏⴰ ⵜⵉⵔⵎⵉⵜⵉⵏ ⵏ ⵉⵏⴰⵎⵓⵔⵏ ⴷ ⵓⵙⴳⵓⴼⵙⵓ

2. ⵉⴱⴰⵕⵓⵎⵉⵜⵕⵏ ⵏ ⵜⵎⵢⴰⵎⴰⵏⵜ ⴳ ⵜⵎⵔⵙⴰⵍ : ⴰⵛⴽⵓ ⴰⵙⴳⵓⴼⵙⵓ ⴰⵔ ⵉⵙⵏⴰⵇⵇⴰⵙ ⵉⵙⵓⴳⴰⵎ, ⴰⵔ ⵉⵙⵙⵉⵎⵣⵉⴽⴽ ⵜⴰⵎⵢⴰⵎⴰⵏⵜ, ⴰⵔ ⵉⵙⵍⵎⴰⴹ ⵜⵉⴳⵎⵉ.

3. ⴰⵙⵜⴰⵍ ⵓⵙⴽⵉⵡ ⵖ ⵜⴽⴰⵕⴹⴰ ⵏ ⵉⵎⵉⵣⴰⵏ ⵉⵣⵓⵏⴰⵏⵏ : ⴰⴼⴰⴷ ⴰⴷ ⵏⴰⴼ ⴰⵏⵙⴰ ⵏ ⵓⵍⵎⴹ ⴷⴰⵜ ⵏ ⵡⴰⵏⵙⵉⵡⵏ ⵏ ⵜⵔⴷⴰⵢⵜ, ⵎⴰ ⵢⴰⴷ ⵢⴰⵊⵊⴰⵏ ⴰⴷ ⵢⵉⵍⵉ ⵓⵙⵏⴼⵍ ⵙⴳ ⵓⵙⵜⴰⵍ ⵏ ⵓⵙⵡⵓⴷⴷⵓ ⵏ ⵓⵙⵡⵉⵔ ⵏ ⵓⵙⴳⵓⴼⵙⵓ ⴰⵔ ⵓⵙⵡⵓⴷⴷⵓ ⵏ ⵜⵉⵔⵡⵉ ⵏ ⵜⵙⵔⵜⵉⵜⵉⵏ ⵉⵜⵜⵓⵙⵎⴳⴰⵍⵏ.

4. ⴰⵙⵎⵓⵏ ⴳⵔ ⵉⵏⵎⵎⴰⵍⵏ ⵉⵎⵉⴹⴰⵏⵏ ⴷ ⵓⵙⴼⵙⵉ ⴰⵏⴰⵡⴰⵏ : ⴰⵛⴽⵓ ⵓⵟⵟⵓⵏⵏ ⴳⴰⵏ ⵉⵙⵜⵉⴳⵏ, ⵎⴰⵛⴰ ⴰⵙⴼⵙⵉ ⵏⵏⵙⵏ ⴰⵎⵏⵣⵓ ⵉⵍⴰ ⴰⵜⵜⵉⴳ ⵓⴳⴳⴰⵔ.