ⴰⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵓ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ
ⴷⴷⴰⵡ ⵏ ⵜⵎⴰⵜⴰⵔⵜ “ⵜⵉⵎⵔⵙⵉⵡⵉⵏ ⵏ ⵓⵏⴱⴷⵓ ⵉⵎⵏⴷⵉ ⵏ ⵜⵣⴷⴳⵉ... ⵜⴰⵢⴰⴼⵓⵜ ⵏ ⵡⴰⵎⵓⵔ ⵡⴰⵔ ⴰⵙⴳⵓⴼⵙⵓ” ⴳ ⵓⵙⴰⵜⵉ ⵏ ⵜⵣⵎⵎⴰⵔ ⵏⵏⵙ ⴰⴼⴰⴷ ⴰⴷ ⵜⵙⴷⵓⵙ ⵜⴷⵍⵙⴰ ⵏ ⵜⵣⴷⴳⵉ ⴷ ⵓⵃⵟⵟⵓ ⵙⴳ ⵜⵉⴽⵍⵉ ⵜⴰⵎⴼⵍⵍⵙⵜ ⴷⴰⵔ ⵉⵎⵥⵥⵢⴰⵏ, ⵉⵕⵥⵎ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵢⴰⵏ ⵓⵎⵓⵙⵙⵓ ⴰⵙⴳⵎⴰⵏ ⵏ ⵓⵏⴱⴷⵓ ⵉ ⵉⵎⵥⵥⵢⴰⵏⵏ ⴳ ⵜⵎⵔⵙⵉⵡⵉⵏ, ⵙ ⵎⴰ ⴷ ⴳⵉⵙⵏ ⵉⵎⵙⴽⴰⵔⵏ ⵏ ⵉⵎⴰⵍ ⴳ ⵜⵓⵚⴽⴰ ⵏ ⵡⴰⵎⵓⵏ ⵉⴱⵉⴷⴷⵏ ⵅⴼ ⵜⵏⴰⴷⴰⵜⵉⵏ ⴷ ⵜⴰⵖⵔⵎⵜ ⵜⴰⵎⵙⵎⵓⵔⵜ.
ⵉⴳⴰ ⵓⵙⴼⵙⵔ ⵏ ⵓⵕⵥⵥⵓⵎ, ⵍⵍⵉ ⵢⵜⵜⵓⵙⵏⵎⴰⵍⴰⵏ ⵙ ⵜⵎⴰⵎⴽⵜ ⵏ ⵓⵎⵣⴳⵓⵏ ⵏ ⵜⵙⵍⴰⵜⵉⵏ ⵉⵜⵎⵓⵙⵙⵓⵏ, ⵢⴰⵜ ⵜⵉⵣⵉ ⵏ ⵓⵙⵙⵍⵎⴷ ⵉⴷⵓⵙⵏ, ⵙ ⵜⵉⵍⵉⵜ ⵏ 327 ⵏ ⵉⵎⴷⵔⴰⵡⵏ ⵍⵍⵉ ⵢⵙⴱⵖⵔⵏ ⵙⴳ ⵜⵎⵔⵙⵉⵡⵜ ⵏ ⵓⵏⴱⴷⵓ ⵍⵍⵉ ⵜⵙⵏⵎⴰⵍⴰ ⵜⵎⵔⵙⴰⵍⵜ ⵜⴰⵎⵓⵃⵎⵎⴰⴷⵉⴰⵜ ⵏ ⵜⵡⵓⵔⵉ ⵜⴰⵏⴰⵎⵓⵏⵜ ⵏ ⵉⵏⴱⴱⴰⴹⵏ ⴷ ⵉⵎⵙⵡⵓⵔⵉⵏ ⵏ ⵜⵣⵔⴼⵜ ⴷ ⵜⵎⵀⵍⴰ ⵏ ⵉⵖⵣⵣⴰ. ⵉⵙⵏⵎⴰⵍⴰ ⵓⵙⴼⵙⵔ ⴰⴷ ⵢⴰⵜ ⵜⵥⵓⵕⵉ ⵢⴰⵜⵜⵓⵢⵏ, ⴷ ⵜⵓⵎⴰⵢⵉⵏ ⵉⵜⵜⵓⵙⵏⴼⴰⵍⵏ ⵏⵏⴰ ⵉⵙⵙⵍⵎⴰⴷⵏ ⵉⵎⵥⵢⴰⵏⵏ, ⵙ ⵢⴰⵜ ⵜⴱⵔⵉⴷⵜ ⵜⴰⵡⵡⵓⵔⴰⵏⵜ, ⴼ ⵜⵎⵓⴽⵔⵉⵙⵜ ⵏ ⵓⵙⴳⵓⴼⵙⵓ ⴷ ⵜⵏⴰⴼⵓⵜⵉⵏ ⵏⵏⵙ ⵉⵅⵛⵏⵏ ⵅⴼ ⵓⴼⴳⴰⵏ ⴷ ⵡⴰⵎⵓⵏ, ⴷ ⵜⵉⵍⴰⵍ ⵏ ⵓⴳⵔⴰⵡ ⴳ ⵓⵙⴱⴷⴷⵉ ⵏⵏⵙ ⴷ ⵓⵙⴷⵓⵙ ⵏ ⵜⵏⴰⴷⴰⵜⵉⵏ ⵏ ⵜⵣⴷⴳⵉ ⴷ ⵜⵎⵙⴰⵙⵜⵍⵜ.
ⴳ ⵜⴳⵉⵔⴰ ⵏ ⵜⵡⵓⵔⵉⵡⵉⵏ ⵏ ⵜⵡⴰⵍⴰ ⵢⴰⴷ, ⵜⵜⵓⵣⵔⴰⵢⵏⵜ ⵜⵥⵕⵉⴳⵉⵏ ⴷ ⵜⵙⵎⵖⵓⵔⵉⵏ ⵏ "ⵉⵎⵙⵇⴰⴷⵏ ⵏ ⵜⵣⴷⴳⵉ" ⵉ ⵜⴰⵣⵣⴰⵏⵉⵏ, ⵎⴰ ⵢⴰⴷ ⵉⴳⴰⵏ ⵢⴰⵏ ⵡⴰⵏⴰⵡ ⵏ ⵓⵙⵎⵖⵔ ⴷ ⵓⵙⴱⵓⵖⵍⵓ ⵏ ⵡⴰⵜⵉⴳⵏ, ⴷ ⵓⵙⴼⴰⵍⴽⴰⵢ ⵏ ⵜⵏⴰⴷⴰⵜⵉⵏ ⵏ ⵜⵣⴷⴳⵉ ⵖ ⵜⵓⴷⵔⵜ.
ⵉⴳⴰ ⵓⵎⵓⵙⵙⵓ ⴰⴷ ⵜⴰⵢⴰⴼⵓⵜ ⵏ ⵓⵖⴰⵡⴰⵙ ⵏ ⵓⵏⴱⴷⵓ ⵏⵏⴰ ⵉⵔⴰ ⵓⴳⵔⴰⵡ ⴰⴷ ⵉⵙⵙⴽⵔ ⴳ ⵓⵏⴱⴷⵓ ⵏ 2025, ⴷ ⵉⵙⵡⵓⵜⵜⵓ 2025 ⵏ ⵉⵎⵥⵥⵢⴰⵏⵏ ⴳ ⵎⵏⵏⴰⵡⵜ ⵜⴼⵔⴽⵉⵡⵉⵏ, ⵏⵏⴰ ⴳ ⵔⴰⴷ ⵉⵙⵙⴽⵔ ⵓⴳⵔⴰⵡ, ⴷⴷⵓ ⵏ ⵢⴰⵜ ⵜⴰⵏⵏⴰⵢⵜ ⵜⴰⵡⵏⴳⵉⵎⵜ ⵏⵏⴰ ⵉⵙⴽⴰⵔⵏ ⴳ ⵓⵙⴳⵎⵉ ⵅⴼ ⵜⵣⴷⴳⵉ ⴷ ⵢⴰⵏ ⵓⴱⵔⵉⴷ ⵏ ⵓⵙⴱⵓⵖⵍⵓ ⵏ ⵜⵓⵙⵙⵏⴰ ⵜⴰⵖⵔⵎⴰⵏⵜ ⴷ ⵓⵙⴱⵉⴷⴷ ⵏ ⵓⵙⵎⵙⴰⵙⴰ ⴰⵏⴰⵎⵓⵏ ⴷ ⵓⵙⴳⵓⴼⵙⵓ ⵙⴳ ⵜⵉⵣⵉ ⵎⵣⵣⵉⵏ.
ⵜⵉⵎⴰⵢⵏⵓⵜⵉⵏ ⴳⵔⴰⵏⵉⵏ
16/10/2025
ⵉⵙⵏⵓⴱⴳ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ, ⵎⴰⵙⵙ ⴰⵃⵎⴰⴷ ⵍⵄⵎⵓⵎⵔⵉ, ⴰⵙⵙ ⵏ ⵓⴽⵡⴰⵙ 16 ⴽⵟⵓⴱⵕ 2025, ⵢⴰⵏ ⵓⴽⴰⴱⴰⵕ ⵏ ⵓⵙⵡⵉⵔ ⵢⴰⵜⵜⵓⵢⵏ ⵙⴳ ⴱⵓⵔⵓⵏⴷⵉ, ⵙ ⵜⵏⵙⵙⵉⵅⴼⵜ ⵏ ⵓⵏⴼⵍⵓⵙ ⴰⵎⴰⵜⴰⵢ ⵏ ⵉⴳⵔ ⵏ ⵓⴳⵏⵙⵓ ⴷ ⵜⵉⴳⵎⵉ ⵜⴰⵏⴰⵎⵓⵏⵜ ⴳ ⵜⵎⴰⵡⴰⵙⵜ …
13/10/2025
ⵉⵜⵜⵓⵙⴳⵎⴹ ⴰⵙⵙ ⵏ ⵓⵙⵉⵏⴰⵙ 13 ⴽⵜⵓⴱⵕ 2025 ⴳ ⵕⵕⴱⴰⵟ, ⵢⴰⵜ ⵜⵎⵙⵙⴽⵜⵉⵜ ⵏ ⵓⵎⵙⴰⵙⴰ ⵏ ⵓⵎⵢⴰⵡⴰⵙ ⴳⵔ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴳⵔⴰⵡ ⴰⴳⴷⵓⴷⴰⵏ ⵏ ⵜⵣⴷⴳⵉ ⴳ ⵜⴳⴷⵓⴷⴰⵏⵜ ⵏ ⵍⵄⵉⵕⴰⵇ, ⴳ ⵢ…
09/10/2025
ⵉⴷⵔⴰ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵜⵣⴷⴳⵉ ⴷ ⵡⴰⵔⴰⵢ ⵙⴳ ⵓⵙⴳⵓⴼⵙⵓ ⴷ ⵓⵙⴱⴷⴷⵉ ⵏⵏⵙ, ⵎⴰⵙⵙ ⵎⵓⵃⵎⵎⴷ ⴱⵏⵄⵍⵉⵍⵓ, ⴳ ⵜⵡⵓⵔⵉⵡⵉⵏ ⵏ ⵜⵙⵎⵓⵏⵉ ⵜⴰⵙⴳⴳⵯⵙⴰⵏⵜ ⵜⴰⵎⴰⵜⴰⵢⵜ ⵜⴰⵎⵣⵡⴰⵔⵓⵜ ⵏ ⵓⵥⵟⵟⴰ “ⵎⵉⵏⴰ-ⴰⵔⵉⵏ” (MENA-AREN), ⵍⵍ…